ᑮᓇᐅᔭᓕᐅᕈᑎᕐᓴᓄᑦ ᖃᓄᐃᓕᐅᕆᐊᕈᑎᒃᓴᓄᑦ ᐸᕐᓇᐅᑏᑦ ᐃᑲᔪᖅᓱᐃᕗᖅ ᐱᐅᓯᒋᐊᖅᑕᐅᓂᖏᓐᓄᑦ ᐱᖑᐊᕐᕕᑦ ᓯᑕᒪᓂ ᓄᓇᕗᒻᒥ ᓄᓇᓕᖕᓂ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 3, 2009) –  ᓂᕈᐊᖅᑕᐅᓯᒪᔪᖅ ᓴᒃ ᓯᑐᕌᑦ, ᒥᓂᔅᑕ ᑲᓇᑕᒥ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᒃᓴᓄᑦ ᐱᕙᓪᓕᐊᔪᓕᕆᕕᖕᒧᑦ (CanNor-ᑯᓐᓄᑦ), ᐅᓪᓗᒥ ᑐᓴᖅᑎᑦᑎᕗᖅ ᐃᓄᐃᑦ ᑕᓗᕐᔪᐊᓂ, ᐃᒡᓗᒑᕐᔪᖕᒥ, ᐃᒡᓗᓕᖕᒥ, ᓴᓂᑭᓗᐊᕐᒥᓗ ᑐᓂᔭᐅᓂᐊᖅᑐᑦ $1.1 ᒥᓕᔭᓐᓂᒃ ᑲᑎᓪᓗᒋᑦ ᑮᓇᐅᔭᓂᒃᓄᓇᓕᖕᓂ ᓴᓇᔭᐅᓂᐊᖅᑐᓂᒃ, ᐊᑖᒍᑦ ᐱᖑᐊᕐᕕᖕᓂᒃ ᐱᖁᑎᓕᐅᕈᑎᒃᓴᓄᑦ ᑲᓇᑕᒧᑦ ᐊᑐᖅᑕᐅᓂᐊᖅᑐᓂ.

“ᐊᑭᓖᔾᔪᔾᔨᓂᖅ ᑕᒪᒃᑯᓂᖓ ᐱᖑᐊᕐᕕᖕᓂᒃ ᐅᑭᐅᖅᑕᖅᑐᒥ ᑐᑭᖃᖅᑐᖅ ᐊᑭᓕᖅᑐᐃᔾᔪᑕᐅᖕᒪᑕ ᐊᓐᓂᐊᕐᓂᖃᖅᑎᑦᑎᑕᐃᓕᒪᓂᕐᒧᑦ ᐊᒻᒪᓗ ᖃᓄᐃᖏᔾᔪᑎᒃᓴᖏᓐᓄᑦ ᑲᓇᒥᑕᐅᑦ. ᑕᒪᒃᑯᐊ ᐱᖁᑏᑦ ᑐᖓᕕᐅᔪᕐᔪᐊᒻᒪᕆᐅᖕᒪᑕ ᓄᓇᓕᖕᒥᐅᓄᑦ ᐃᓅᖕᓄᑦ, ᐱᖑᐊᕐᕕᑐᐃᓐᓇᐅᖏᒻᒪᑕ, ᑲᑎᕝᕕᐅᖃᑦᑕᕐᒥᖕᒪᑕ,” ᐅᖃᖃᐅᔪᖅ ᒥᓂᔅᑕ ᓯᑐᕋᑦ, ᒥᓂᔅᑕᐅᖃᑕᐅᖕᒥᔪᖅ ᐃᓄᓕᕆᔨᑐᖃᒃᑯᓐᓄᑦ ᐊᒻᒪᓗ ᑲᓇᑕᒥ ᐃᑲᔪᖅᑎᐅᓂᕐᒧᑦ ᐊᓪᓚᖓᔪᓄᑦ ᐃᓕᑕᕆᔭᐅᒪᖏᑦᑐᓄᓪᓗ ᐊᓪᓚᓄᑦ. “ᒐᕙᒪᒋᔭᕗᑦ ᓄᓇᕗᓪᓗ ᒐᕙᒪᒃᑯᖏᑦ ᐱᓕᕆᖃᑎᒌᓕᖅᐳᑦ ᐊᖑᒪᔪᒪᓂᕐᒧᑦ ᓄᓇᕗᒻᒥ ᓄᓇᓕᖕᓂ ᐱᑕᖃᕆᐊᖃᖅᑐᓂᒃ, ᑮᓇᐅᔭᓕᐅᕐᕕᒃᓴᓂᒃ ᓄᐃᑎᕆᓪᓗᑎᒃ ᐊᒻᒪᓗ ᐃᖃᓇᐃᔭᕐᕕᒃᓴᓂᒃ ᓄᓇᓕᖕᓂ.”

ᑲᓇᑕ ᓄᓇᕗᓪᓗ ᐱᓕᖃᑎᒌᖕᓇᖅᐳᑦ ᓴᓇᔭᐅᓂᐊᖅᑐᓂᒃ ᓯᑕᒪᓂᒃ ᑮᓇᐅᔭᖅᑎᑦᑎᓂᒃᑯᑦ, ᐊᑖᒍᑦ RInC−ᑯᓐᓂᒃ ᐊᑐᖅᑕᐅᓂᐊᖅᑐᓂᒃ, ᐃᓚᒋᔭᐅᓪᓗᑎᒃ ᑲᓇᑕᒥ ᑮᓇᐅᔭᓕᐅᕋᓱᐊᕈᑎᓂᒃ ᖃᓄᐃᓕᐅᕐᓂᐊᕐᓂᕐᒧᑦ ᐸᕐᓇᐅᑎᓂᒃ Canada's Economic Action Plan  . ᑲᓇᑕᒥ ᑮᓇᐅᔭᓕᐃᕈᑕᐅᔪᑦ $567,000−ᓂᒃ ᓇᓕᒧᒋᔭᐅᔪᒥᒃ ᐊᑭᓕᖅᑕᐅᓂᐊᕐᒥᔪᖅ ᓄᓇᕗᑦ ᒐᕙᒪᒃᑯᖏᓐᓄᑦ, ᒪᓕᖕᓂᐊᖅᓱᑎᒃ ᐊᑎᓕᐅᖅᑕᐅᓚᐅᕐᓗᑎᒃ ᐊᖏᖅᑕᐅᓯᒪᔪᓐᓇᖅᑐᓂᒃ ᐃᑲᔪᓯᐊᖅᑕᕈᑎᓄᑦ ᐊᖏᕈᑎᓂᒃ.

ᑮᓇᐅᔭᐃᕈᑕᔪᑦ ᐃᓚᖃᖅᑐᑦ ᑎᑭᐅᒪᔪᓂᒃ $100,000−ᓂᒃ ᓴᓇᒋᐊᖅᑕᐅᓂᖏᓐᓄᑦ ᑕᓗᕐᔪᐊᕐᓂ ᓇᓗᒐᓛᕐᕕᒃ; ᑎᑭᐅᒪᔪᓂᒃ $150,000−ᓄᑦ ᓴᓇᒋᐊᖅᑕᐅᓂᖓᓄᑦ ᐃᒡᓗᓕᒑᕐᔪᖕᒥ ᐱᖑᐊᕐᕕᒃ ᐊᒻᒪᓗ ᑎᑭᐅᒪᔪᓂᒃ $200,000−ᓂᒃ ᐊᒻᒪᓗ $117,000−ᓂᒃ, ᐊᑐᓂ, ᓄᑖᕐᓄᑦ ᕿᑯᖕᒥᒃ ᓴᓇᓯᒪᔪᓂᒃ ᑐᖓᕕᒃᓴᓕᐅᕐᓂᕐᒧᑦ ᐃᒡᓗᓕᖕᒥ ᓴᓂᑭᓗᐊᕐᒥᓗ ᐱᖑᐊᕐᕕᖕᓂ.

 “ᐱᓐᖑᐊᕐᕖᑦ ᐱᓕᕆᐊᖑᓂᖏᑦ ᐃᓚᒋᔭᐅᒻᒪᕆᐊᓘᖕᒪᑕ ᓄᓇᓕᖕᒥᐅᑦ ᐃᓅᓯᖏᓐᓄᑦ ᐅᑭᐅᖅᑕᖅᒥ,” ᐅᖃᖃᐅᔪᖅ ᓗᐊᕆᓐ ᑯᓱᒐᖅ, ᒥᓂᔅᑕ ᓄᓇᓕᓕᕆᓂᕐᒧᑦ ᐊᒻᒪᓗ ᒐᕙᒪᒃᑯᑦ ᐱᔨᑦᑎᕋᐃᔨᖏᓐᓄᑦ. “ᑕᒪᒃᑯᐊ ᑮᓇᐅᔭᐃᑦ ᓴᓇᕐᕈᑕᐅᓂᐊᖅᑐᑦ ᐊᔾᔨᒋᖏᑦᑐᑎᓂᒃ ᐃᒡᓗᖁᑎᒋᔭᐅᔪᓂᒃ ᓄᓇᑦᑎᓐᓂ, ᑕᐃᒫᒃ ᓇᓗᒐᓛᕐᕕᑦ ᐊᒻᒪᓗ ᐱᖑᐊᕐᕕᑦ ᐊᑐᖅᑕᐅᔪᓐᓇᕐᓂᐊᕐᒪᑕ ᐃᓚᒌᖕᓄᑦ ᐊᒻᒪᓗ ᕿᑐᖓᖏᓐᓄᑦ ᕼᐊᒻᒪᓚᑦᑯᓐᓂ, ᓯᕗᓂᒃᓴᐅᓂᐊᖅᑐᓂ ᐊᕐᕋᒍᓂ.”

RInC−ᑯᑦ ᐊᑐᒐᒃᓴᖏᑦ, ᐃᓚᒋᔭᐅᔪᑦ ᑲᒪᒋᔭᐅᔪᓂ CanNor-ᑳᓐᓄᐊᑯᓐᓄᑦ, ᓴᓇᔭᐅᓯᒪᕗᑦ ᐃᑲᔪᖅᓲᑕᐅᓂᕐᒧᑦ ᐱᐅᒋᐊᕈᑎᒃᓴᓄᑦ ᓴᓇᒋᐊᖅᑕᐅᓂᖏᓄᓪᓗ ᓄᓇᓕᖕᓂ ᐱᖑᐊᕐᕕᑦ, ᐃᓚᖃᕆᓪᓗᑎᒃ ᓄᑖᓂᒃ ᓴᓇᔭᐅᔪᓂᒃ ᐃᓚᒋᐊᕈᑕᐅᓂᐊᖅᑐᓂᒃ ᐅᕝᕙᓗᓐᓃᑦ ᐃᓂᖏᖅᓯᓂᐊᖅᑐᓂᒃ ᐃᕿᐊᖑᐃᔭᕐᕕᖕᓂ ᐃᒡᓗᐊᕐᔪᐊᕐᓂᒃ.

ᑳᓐᓄᐊᒃᑯᑦ ᑲᒪᔨᐅᕗᑦ ᑐᑭᓕᐅᖅᑎᐅᓂᕐᒥᒃ ᐊᒻᒪᓗ ᐊᑐᐃᓐᓇᐅᑎᑦᑎᓂᕐᒥᒃ ᑲᓇᑕᐅᑉ ᑮᓇᐅᔭᓕᐅᕈᑎᒃᓴᓄᑦ ᐱᕙᓪᓕᐊᓂᕐᒧᑦ ᐱᓕᕆᐊᖑᑎᑕᖏᓐᓂᒃ ᐊᕕᒃᑐᖅᓯᒪᓂᐅᔪᓂ ᐅᑭᐅᖅᑕᖅᑐᒥ, ᐊᒻᒪᓗ ᐱᔾᔪᑎᖃᖅᑐᓂᒃ ᐊᑐᐊᒐᕐᓂᒃ, ᖃᐅᔨᓴᐃᓂᕐᒥᒃ ᐊᒻᒪᓗ ᑕᑉᐱᖅᓱᖃᑦᑕᕐᓂᕐᒥᒃ. ᐊᔭᐅᖅᑎᐅᓪᓗᑎᒃ ᐃᓅᓯᕐᒥᒃ ᑮᓇᐅᔭᓕᐅᕐᓂᕐᒥᒡᓗ ᐱᕙᓪᓕᐊᔾᔪᑎᒃᓴᓂᒃ ᐅᑭᐅᖅᑕᖅᑐᒥ ᐃᓚᒋᔭᐅᕗᑦ ᓯᑕᒪᓄᑦ ᑐᖓᕕᐅᔪᓄᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐅᑭᐅᖅᑕᖅᑐᒥ ᖃᓄᐃᓕᐅᕈᑎᒃᓴᓕᐊᕆᓯᒪᔭᖏᓐᓂᒃ.

ᑲᓇᑕᒥ 2009−ᒥ ᑮᓇᐅᔭᓕᐅᕈᑎᒃᓴᓄᑦ ᖃᓄᓕᐅᕆᐊᕈᑎᒃᓴᐃᑦ ᐸᕐᓇᐅᑏᑦ ᓯᕗᒻᒧᐊᒋᐊᓪᓚᕆᓕᓚᐅᖅᑐᑦ ᐊᖏᒡᓕᒋᐊᖅᑕᐅᓪᓗᑎᒡᓗ ᒫᓐᓇᐅᔪᖅ ᑲᓇᑕᒥ ᑮᓇᐅᔭᐃᕈᑕᐅᓯᒪᔪᓂ $33 ᐱᓕᔭᓐᓂᒃ ᓄᓇᓕᓕᐅᕈᑎᓂ ᐱᖁᑎᕐᔪᐊᕐᓄᑦ ᓇᓂᑐᐃᓐᓇᖅ ᑲᓇᑕᒥ, ᖃᓂᓪᓗᓂᒋᑦ $12 ᒥᓕᔭᓐ ᓄᑖᓂᒃ ᐱᖁᑎᕐᔪᐊᕐᓂᒃ ᓄᓇᓕᓕᐅᕈᑎᓂᒃ ᐱᒋᐊᖅᑎᑦᑎᔾᔪᑎᒃᓴᓂᒃ ᒪᕐᕉᖕᓂ ᐊᕐᕋᒎᓂᐊᖅᑐᖕᓂᒃ.

ᐅᓪᓗᒥ ᒥᓂᔅᑕ ᓯᑐᕋᑦ ᑐᓴᖅᑎᑦᑎᖃᐅᖕᒥᔪᖅ ᑮᓇᐅᔭᒃᓴᒃᑲᓐᓃᑦ ᐱᑕᖃᓂᐊᖅᑐᑦ ᑮᓇᐅᔭᓕᐅᕈᑎᒃᓴᓄᑦ ᐱᕙᓪᓕᐊᔾᔪᑎᒃᓴᓄᑦ ᓴᓇᔭᐅᓂᐊᖅᑐᓄᑦ ᐅᑭᐅᖅᑐᖅᒥᐅᓂ, ᔪᑳᓐᒥ ᓄᓇᑦᓯᐊᕐᒥᓗ.

ᐊᔾᔨᖏᓐᓂᒃ ᐱᔪᒪᔪᒍᕕᑦ ᑳᓐᓄᐊᑯᑦ ᑐᓴᒐᒃᓴᓕᐊᕆᓯᒪᔭᖏᓐᓂ, ᑕᑯᓂᐊᓂᐊᖅᐸᐃᑦ ᐅᓇ:
http://www.north.gc.ca/index-eng.asp  

ᖃᐅᔨᒋᐊᑎᐊᒃᑲᓐᓂᕈᒪᒍᕕᑦ ᒦᒃᓴᓄᑦ ᑲᓇᑕᐅᑉ ᑮᓇᔭᓕᐅᕈᑎᒃᓴᓄᒃ ᖃᓄᐃᓕᐅᕐᓂᐊᕐᓂᕐᒧᑦ ᐸᕐᓇᐅᑎᖏᑦ, ᑕᑯᓂᐊᕐᓂᐊᖅᐸᐃᑦ ᐅᓇ:
www.actionplan.gc.ca  

ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ ᓄᓇᓕᓕᐅᕈᑎᓂᒃ ᐱᖁᑎᕐᔪᐊᕐᓂᒃ ᓴᓇᔭᐅᔪᓂᒃ ᓄᓇᕗᒻᒥ, ᑕᑯᓂᐊᕐᓂᐊᖅᐸᐃᑦ ᐅᓇ:
www.creatingjobs.gc.ca  .

 

ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᖃᕐᕕᒋᓂᐊᖅᐸᐃᑦ:

ᐃᖃᓇᐃᔭᕐᕕᖓᑦ ᓂᕈᐊᖅᑕᐅᓯᒪᔪᖅ ᓴᒃ ᓯᑐᕋᑦ
ᑐᓴᒐᒃᓴᓂᒃ ᑎᑎᕋᖅᑎᖓ
819-997-0002

ᑳᓐᓄᐊᒃᑯᑦ ᑐᓴᐅᒪᑎᑦᑎᔨᖏᑦ
ᓄᓇᕗᒻᒥ ᐊᖓᔪᖄᖃᕐᕕᒃ
(867) 975-4725

ᓗᐊᕆᓐ ᓖᕙᐃ
ᒥᓂᔅᑕᐅᑉ ᑐᒡᓕᕆᑲᐃᓐᓇᖅᑕᖓ
ᓄᓇᓕᓕᕆᓂᕐᒧᑦ ᒐᕙᒪᒃᑯᓪᓗ ᐱᔨᑦᑎᕋᐅᑎᖏᓐᓄᑦ
ᓄᓇᕗᑦ ᒐᕙᒪᒃᑯᖏᑦ
867-975-5301