ᐱᒋᐊᕐᓂᕕᓂᐊ - ᐅᑭᐅᖅᑕᖅᑐᒥ ᐱᓕᕆᐊᓄᑦ ᒥᐊᓂᖅᓯᔨᐅᑉ ᑎᑎᕋᕐᕕᖓ

ᐅᑭᐅᖅᑕᖅᑐᒥ ᐱᓕᕆᐊᓄᑦ ᒥᐊᓂᖅᓯᔨᐅᑉ ᑎᑎᕋᕐᕕᖓᐋᖅᑭᒃᑕᐅᓯᒪᕗᖅ ᓄᑖᓄᑦ ᓴᖅᑭᑕᐅᓚᐅᖅᑐᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᑕ ᐃᓚᒋᓂᐊᖅᖢᓂᐅᒃ.  ᒐᕙᒪᒃᑯᑦ ᐊᖏᖅᓯᒪᕗᑦ ᒪᓕᒐᐃᑦ ᐱᐅᓯᒋᐊᖅᑎᒃᑲᓐᓂᖁᓪᓗᒋᑦ ᐅᑭᐅᖅᑕᖅᑐᒨᖓᔪᑦ ᐊᒻᒪᓗ ᐅᑭᐅᖅᑕᖅᑐᒥ ᐱᓕᕆᐊᓄᑦ ᒥᐊᓂᖅᓯᔨᐅᑉ ᑎᑎᕋᕐᕕᖓ ᐊᒃᓱᐊᓗᒃ ᐊᑐᕐᓂᖃᖅᐳᖅ ᑕᒪᓐᓇ ᓄᑖᖅ ᐊᑐᖅᑕᐅᕙᓪᓕᐊᓂᐊᖅᑎᓪᓗᒍ.

ᐅᑭᐅᖅᑕᖅᑐᒥ ᐱᓕᕆᐊᓄᑦ ᒥᐊᓂᖅᓯᔨᐅᑉ ᑎᑎᕋᕐᕕᖓ ᐱᔭᒃᓴᖅᑖᖅᑎᑕᐅᓯᒪᕗᖅ ᒐᕙᒪᒃᑯᓕᒫᖅ ᓯᕗᒃᑲᖅᑕᖅᑎᒋᔭᐅᓂᐊᕐᒪᑕ ᐋᖅᑭᒃᓱᐃᑎᓪᓗᒋᑦ ᑐᑭᒧᐊᖅᑎᓯᒪᔪᓂᒃ ᐊᐅᓚᑦᑎᔾᔪᑎᓂᒃ ᐅᑭᐅᖅᑕᖅᑐᒧᑦ ᑐᕌᖓᔪᓂᒃ ᐊᒻᒪᓗ ᒐᕙᒪᒃᑯᑦ ᐊᖏᖅᓯᒪᔭᒥᓂᒃ ᓴᖅᑭᑦᑎᕙᓪᓕᐊᓂᐊᖅᓯᒪᑎᓪᓗᒋᑦ ᐅᖃᖃᑎᖃᖃᑦᑕᕆᐊᖃᕐᓂᕐᒥᒃ.

ᐅᑭᐅᖅᑕᖅᑐᒥ ᐱᓕᕆᐊᓄᑦ ᒥᐊᓂᖅᓯᔨᐅᑉ ᑎᑎᕋᕐᕕᖓ ᐱᔭᒃᓴᖅᑖᖅᑎᑕᐅᓯᒪᕗᖅ ᑲᓇᑕᐅᑉ ᒐᕙᒪᒃᑯᖏᑦᑎᒎᖅᑐᑦ ᑐᑭᒧᐊᒃᑎᓯᒪᓗᒋᑦ, ᐱᓕᕆᐊᑦ ᐊᐅᓚᓪᓗᓂᒋᑦ, ᐱᓕᕆᐊᑦ ᖃᓄᐃᑉᐸᓪᓕᐊᓂᖏᑦ ᓇᐅᑦᑎᖅᓱᕐᓗᓂᒋᑦ ᐊᒻᒪᓗ ᑐᑭᒧᐊᒃᑎᓯᒪᓗᒋᑦ ᓄᓇᒥᓐᖔᖅᑐᓂᒃ ᐱᔾᔪᑎᓖᑦ ᐱᓕᕆᐊᑦ ᐱᖓᓱᓂ ᐅᑭᐅᖅᑕᖅᑐᒥ ᒐᕙᒪᖃᕐᕕᖕᓂ.  ᐱᓕᕆᐊᓪᓗᐊᑕᕆᓂᐊᖅᑕᖏᑦ ᐃᒪᐃᓕᖓᕗᑦ:

• ᐃᑲᔪᖃᑦᑕᕐᓗᒋᑦ ᐱᔨᑦᑎᕐᕕᒋᔭᓂ ᕿᒥᕐᕈᑎᓪᓗᒋᑦ ᒪᓕᒐᓂᒃ ᐊᒻᒪᓗ ᐃᓄᖕᓂᑦ ᑐᑭᓯᓇᓱᖕᓂᖃᖅᑎᓪᓗᒋᑦ ᑐᑭᓯᓇᑦᑎᐊᖅᑐᒧᑦ ᐊᐅᓪᓛᖅᐸᓪᓕᐊᔪᓐᓇᕐᓂᐊᕐᒪᑕ
  
  
• ᑐᑭᒧᐊᒃᑎᒋᔭᐅᓗᑎᒃ ᑲᓇᑕᐅᑉ ᒐᕙᒪᒃᑯᖏᑦᑕ ᒪᓕᒐᓂᒃ ᐱᓕᕆᔨᖏᓐᓄᑦ ᐊᒻᒪᓗ ᑎᒥᓐᖑᖅᑎᓯᒪᔭᖏᓐᓄᑦ ᐱᓕᕆᐊᕆᔭᐅᔪᓂᒃ ᐊᕙᑎ ᖃᐅᔨᓴᖅᑕᐅᑎᓪᓗᒍ ᐊᒻᒪᓗ ᐱᔪᓐᓇᐅᑏᑦ ᐊᑐᕆᐊᓖᑦ ᑲᒪᒋᔭᐅᑎᓪᓗᒋᑦ

ᐅᑭᐅᖅᑕᖅᑐᒥ ᐱᓕᕆᐊᓄᑦ ᒥᐊᓂᖅᓯᔨᐅᑉ ᑎᑎᕋᕐᕕᖓᑕ ᐱᔭᒃᓴᖅᑖᕆᓯᒪᔭᖏᑦ ᐅᐃᒍᓯᑐᐃᓐᓇᖅᐳᑦ ᐱᓕᕆᐊᕐᔪᐊᕐᓂᒃ ᒥᐊᓂᖅᓯᔨᐅᑉ ᑎᑎᕋᕐᕕᖓᑕ ᓄᓇᒥᐅᑕᓕᕆᔨᖏᓐᓃᑦᑐᓂᒃ ᑲᓇᑕᒥ, ᑖᒃᑯᐊ ᐱᓕᕆᐊᖃᖃᑦᑕᕐᒪᑕ ᐱᔭᒃᓴᖅᑖᖑᓯᒪᔪᓂᒃ ᐅᑭᐅᖅᑕᖅᑑᑉ ᓂᒋᐊᓃᑦᑐᓂᒃ, ᐅᑭᐅᖅᑕᖅᑐᒥ ᐱᓕᕆᐊᓄᑦ ᒥᐊᓂᖅᓯᔨᐅᑉ ᑎᑎᕋᕐᕕᖓ ᐱᓕᕆᐊᖃᖃᑦᑕᖅᖢᓂ ᐅᑭᐅᖅᑕᖅᑐᒦᑦᑐᓂᒃ ᑭᓯᐊᓂ.  ᐅᑭᐅᖅᑕᖅᑐᒥ ᐊᕙᑎᓕᕆᓂᕐᒧᑦ ᒪᓕᒐᐃᑦ ᐊᔾᔨᒌᓐᖏᓐᓂᖏᓐᓄᑦ ᐱᔭᕆᐊᑐᓂᖏᓐᓄᓪᓗ, ᒥᓂᔅᑕᐃᑦ ᐊᖏᖃᑎᒌᓚᐅᖅᐳᑦ ᐅᑭᐅᖅᑕᖅᑐᒥ ᒪᓕᒐᐃᑦ ᐱᐅᓯᒋᐊᖅᑕᐅᓂᐊᕐᓂᖏᑦ ᐃᒻᒥᒃᑰᕐᓗᓂ ᑲᒪᒋᔭᐅᔪᒪᓪᓗᓂ.

ᐅᑭᐅᖅᑕᖅᑐᒥ ᐱᓕᕆᐊᓄᑦ ᒥᐊᓂᖅᓯᔨᐅᑉ ᑎᑎᕋᕐᕕᖓ ᑐᑦᑕᕐᕕᖃᕐᓂᐊᖅᑐᖅ ᔭᓗᓇᐃᕝᒥ, ᓄᓇᑦᓯᐊᕐᒥ, ᐃᖅᑲᓇᐃᔭᖅᑎᖃᕐᓗᑎᒃ ᐊᑐᓂ ᒪᕐᕉᖕᓂ ᐅᑭᐅᖅᑕᖅᑐᒥ ᒐᕙᒪᖃᕐᕕᖕᓂ ᐊᒻᒪᓗ ᐱᑕᖃᕐᒥᓗᓂ ᐋᑐᕚᒥ ᑐᑭᒧᐊᒃᑎᒋᔭᐅᓂᐊᕐᒪᑕ ᐃᖅᑲᓇᐃᔮᕆᔭᐅᔪᓂᒃ ᐱᓕᕆᐊᕐᔪᐊᕐᓂᒃ ᒥᐊᓂᖅᓯᔨᐅᑉ ᑎᑎᕋᕐᕕᖓᓐᓄᑦ, ᐃᑲᔪᖅᓱᖅᑕᐅᓗᑎᒃ ᐱᓕᕆᐊᕐᔪᐊᕐᓂᒃ ᑲᒪᔨᐅᔪᓂᒃ ᒥᓂᔅᑕᐃᑦ ᑐᖏᓕᖏᑦᑕ ᑲᑎᒪᔨᕋᓛᖏᓐᓂᒃ, ᐊᒻᒪᓗ ᐅᓂᒃᑳᖅᑕᓚᐅᖃᑦᑕᕐᓗᑎᒃ ᒥᓂᔅᑕᓄᑦ ᐅᑭᐅᖅᑕᖅᑐᒥ ᐱᓕᕆᐊᖑᔪᑦ ᖃᓄᐃᑉᐸᓪᓕᐊᓕᕐᒪᖔᖏᑦ.

ᐊᕕᒃᑐᖅᓯᒪᔪᓂ ᑎᑎᕋᕐᕖᑦ ᑐᑭᒧᐊᒃᑎᒋᔭᐅᓂᐊᖅᑐᑦ ᐱᒋᐊᖅᑎᑕᐅᓕᓵᖅᑎᓪᓗᒋᑦ ᑲᓇᑕᐅᑉ ᒐᕙᒪᒃᑯᖏᑦᑎᒍᑦ ᓄᓇᒥᐅᑕᓕᕆᔪᑦ, ᐃᖅᑲᓇᐃᔭᖃᑎᖃᕐᓗᑎᒃ ᐅᑭᐅᖅᑕᖅᑐᒥ ᒐᕙᒪᐅᔪᓂᒃ ᐊᒻᒪᓗ ᑲᑎᒪᔨᓂᒃ, ᐊᒻᒪᓗ ᑐᑭᒧᐊᒃᑎᒋᔭᐅᓗᑎᒃ ᑲᓇᑕᐅᑉ ᒐᕙᒪᒃᑯᖏᑦᑕ ᓄᓇᖃᖅᑳᖅᓯᒪᔪᓂᒃ ᑐᑭᓯᓇᓱᖕᓂᕆᖃᑦᑕᖅᑕᖏᓐᓂᒃ.