ᓄᓇᑦᓯᐊᕐᒥᐅᑦ ᓄᓇᓕᖏᑦᑕ ᓇᐹᖅᑐᖃᕐᕕᖕᓂᒃ ᐃᑯᐊᓪᓚᒃᑎᑦᑎᑦᑕᐃᓕᓂᕐᒧᑦ ᓴᐳᒻᒥᐅᓯᖅᓯᓂᖏᑦ

ᑲᓇᑕᐅᑉ ᒐᕙᒪᒃᑯᖏᑦ ᐊᖏᖅᓯᓚᐅᖅᐳᑦ $1.2 ᒥᓕᐊᓐᓂᒃ ᐃᑲᔪᖅᑕᐅᔪᓐᓇᕐᓂᐊᕐᒪᑕ ᓇᐹᖅᑐᖃᕐᕕᖕᓂᒃ ᐊᐅᓚᑦᑎᔾᔪᑏᑦ, ᑖᒃᑯᐊᓗ ᐊᑐᖅᑕᐅᓗᑎᒃ ᓇᐹᖅᑐᖃᕐᕕᖕᓂ ᐃᑯᐊᓪᓚᖃᑦᑕᖅᑐᑦ ᐅᓄᓐᖏᓐᓂᖅᓴᐅᓕᕐᓂᐊᖅᖢᑎᒃ 14-ᓂ ᓄᓇᑦᓯᐊᕐᒥ ᓄᓇᓖᑦ ᖃᓂᒋᔭᖏᓐᓂ.  ᓄᓇᓕᖕᓂ ᑐᓐᖓᕕᖃᖅᑐᑦ ᐱᓕᕆᐊᑦ ᐊᑐᖅᑕᐅᓗᑎᒃ ᐃᖅᑲᓇᐃᔮᒃᓴᓂᒃ ᓄᐃᑦᑎᑲᐅᑎᒋᓂᐊᖅᑐᑦ, ᐊᒻᒪᓗ ᐃᖅᑲᓇᐃᔭᖅᑎᑕᑦ ᐱᓕᒻᒪᒃᑲᓐᓂᕐᓂᐊᖅᖢᑎᒃ ᐊᔪᕈᓐᓃᖅᐹᓪᓕᕐᓂᐊᖅᖢᑎᒃ, ᐊᑦᑕᓇᔾᔭᐃᖅᑕᐅᒃᑲᓐᓂᕐᓗᑎᒡᓗ ᐃᓄᐃᑦ, ᓄᓇᒥᐅᑕᐃᑦ ᐊᒻᒪᓗ ᐱᖁᑎᕐᔪᐊᑦ ᓇᐹᖅᑐᖃᕐᕕᖕᓂ ᐃᑭᓴᕋᐃᓗᐊᓐᖑᐊᖅᑐᑦ ᖃᓂᒋᔮᓃᑦᑐᑦ.

ᑕᒪᒃᑯᐊ ᐱᓕᕆᐊᕆᔭᐅᓂᖏᓐᓂ ᐃᖅᑲᓇᐃᔭᕕᒡᔪᐊᓚᐅᑲᖕᓂᐊᖅᑐᑦ ᐃᑭᑦᑐᖃᖅᑎᓪᓗᒍ ᐃᑯᓪᓚᒃᓴᕋᐃᓗᐊᓐᖑᐊᖅᑐᑦ ᐲᔭᖅᑕᐅᓗᑎᒃ (ᓲᕐᓗ ᓇᐹᖅᑐᐊᓛᑦ ᓇᑲᑎᖅᑕᐅᓗᑎᒃ ᐊᒻᒪᓗ ᓇᐹᖅᑐᐃᑦ ᐲᔭᖅᑕᐅᓗᑎᒃ), ᐃᖅᑲᓇᐃᔭᖅᑎᑦᑎᓗᑎᒡᓗ ᑕᒫᓂ 100-ᖏᓐᓃᑦᑐᓂᒃ ᒫᔾᔨ 31, 2010-ᖑᕋᓱᖕᓂᖓᓄᑦ.  ᐱᓕᕆᐊᓐᖑᖅᑎᑕᐅᔪᓕᒫᑦ ᑲᒪᒋᔭᐅᑎᓪᓗᒋᑦ ᓄᓇᓕᖕᒥᐅᓂᒃ ᐃᖅᑲᓇᐃᔭᖅᑎᑦᑎᓂᐊᖅᑐᑦ ᐊᐅᓚᑦᑎᔨᖃᕐᓂᐊᖅᑎᓪᓗᒍ, ᓄᓇᓕᖕᓂ ᐃᖅᑲᓇᐃᔮᖃᕈᓐᓇᖅᑐᑦ ᑕᒪᒃᑯᓂᖓ ᐅᓄᖅᓯᒋᐊᕐᓗᑎᒃ, ᐱᓕᒻᒪᒃᓴᐃᓯᓐᓈᕐᓗᑎᒃ ᐊᒻᒪᓗ ᐊᔪᕈᓐᓃᖅᑎᑦᑎᕚᓪᓕᐅᑕᐅᓗᑎᒃ.  ᐊᕗᖓᐅᔨᓯᒪᔪᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕈᖅᑐᓄᓪᓗ ᑐᕌᖓᔪᓄᑦ ᐃᑲᔫᑏᑦ ᓴᖅᑭᓐᓂᐊᖅᐳᑦ ᓇᐹᖅᑐᖃᕐᕖᑦ ᐃᑭᓴᕋᐃᓗᐊᓐᖑᐊᖅᑐᑦ ᐱᑕᖃᕈᓐᓃᕐᔫᒥᒃᐸᑕ ᐊᒻᒪᓗ ᓄᓇᓕᖕᓂ ᐱᖁᑎᕐᔪᐊᓄᑦ ᐃᑲᔪᕐᓂᖃᕐᓂᐊᖅᖢᓂ.  ᖄᒃᑲᓐᓂᐊᒍᑦ ᐃᑲᔫᑏᑦ ᐃᓚᖃᐅᕐᓂᐊᖅᑐᖅ ᐊᑦᑕᓇᔾᔭᐃᖅᓯᒪᓂᖅᓴᐅᓂᕐᒥᒃ ᐊᒻᒪᓗ ᐅᑭᐅᒃᑯᑦ ᕿᔪᒃᓴᖃᐅᖅᑎᑕᐅᓗᑎᒃ ᓄᓇᓖᑦ.

14 ᓄᓇᑦᓯᐊᕐᒥ ᓄᓇᓖᑦ ᑕᒪᑐᒥᖓ ᐱᓕᕆᐊᖃᖃᑕᐅᓂᐊᖅᑐᑦ, ᐃᓚᓕᐅᖢᒍ ᕗᐊᑦ ᓯᒥᑦ, ᕗᐊᑦ ᕋᓱᓘᓴᓐ, ᑲᑭᓴ, ᕗᐊᑦ ᐳᕌᕕᑕᓐᔅ, ᓇᕼᐋᓂ ᐴᑦ, ᕗᐊᑦ ᓕᐊᑦ, ᑐᕋᐅᑦ ᓚᐃᒃ, ᕗᐊᑦ ᓯᒻᓴᓐ, ᒐᒪᑎ, ᑎᐊᑕ, ᕚᑏ, ᑦᓯᑦᓯᒃ, ᕗᐃᒡᓕ ᐊᒻᒪᓗ ᔩᓐ ᒪᕇ ᕆᕙ.

ᑲᑎᓕᒫᕐᓗᒋᑦ ᑕᒪᒃᑯᓄᖓ ᑮᓇᐅᔭᖅᑐᕐᓂᐊᕋᓱᒋᔭᐅᔪᑦ $1,283,600-ᓂᒃ, ᑖᒃᑯᓇᓐᖔᖅᑐᑦ $1,243,600 ᐊᑐᐃᓐᓇᕈᖅᑎᑕᐅᓂᐊᖅᖢᑎᒃ CANOR-ᑯᓐᓄᑦ.  ᓄᓇᑦᓯᐊᑉ ᒐᕙᒪᒃᑯᖏᑦᑕ ᐆᒻᒪᖅᑯᑎᓕᕆᓂᕐᒧᑦ ᓄᓇᒥᐅᑕᓕᕆᓂᕐᒧᓪᓗ, ᓇᐹᖅᑐᖃᕐᕕᖕᓂᒃ ᐊᐅᓚᑦᓯᔨᖏᑦᑎᒍᑦ, ᑮᓇᐅᔭᖃᖅᑎᑦᓂᐊᖅᑐᑦ $40,000-ᓂᒃ ᐃᑲᔪᖅᑕᐅᔪᓐᓇᕐᓂᐊᕐᒪᑕ ᓄᓇᓖᑦ ᐊᑐᓕᖅᑎᑦᑎᓂᒃᑯᑦ, ᐃᓚᓕᐅᓪᓗᒍ ᐋᖅᑭᒃᓱᐃᓂᒃ ᑎᓴᒪᓂᒃ ᓇᐹᖅᑐᖃᕐᕖᑦ ᐃᑯᐊᓪᓚᒃᑎᑕᐅᑦᑕᐃᓕᒪᔾᔪᑎᖏᑦᑕ ᐸᕐᓇᐅᑎᖏᓐᓂᒃ.

ᑕᒪᓐᓇ ᐱᒋᐊᖅᑎᑕᐅᔪᖅ ᒫᓐᓇ ᓴᖅᑭᔮᖅᑎᑕᐅᕙᒌᖅᑐᓄᑦ ᑲᓇᑕᒥ ᓄᓇᒥᐅᑕᓕᕆᔨᒃᑯᑦ “FireSmart”-ᑯᑦ ᐋᖅᑭᒃᑕᐅᓯᒪᓂᖏᓐᓄᑦ ᐃᓚᓕᐅᑎᑐᐃᓐᓇᕐᓂᐊᖅᑐᖅ ᐊᖏᕈᑎᖏᓐᓄᑦ ᐊᒻᒪᓗ ᐃᖅᑲᓇᐃᔭᖃᑎᒌᒋᐊᓪᓚᐅᑕᐅᓂᐊᖅᖢᓂ ᐊᕙᑎᓕᕆᔨᒃᑯᓐᓄᑦ ᓄᓇᒥᐅᑕᓕᕆᔨᒃᑯᓐᓄᓪᓗ, ᓄᓇᓕᖕᓂ ᐃᖅᑭᓕᖕᓂᒃ ᐊᒻᒪᓗ ᓄᓇᓖᑦ ᒐᕙᒪᖏᓐᓂᒃ.

ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᑦ

ᑲᓇᑕᐅᑉ ᒐᕙᒪᒃᑯᖏᓐᓂᓐᖔᖅᑐᑦ ᑖᒃᑯᓄᖓ ᐊᑐᖅᑐᒃᓴᑦ ᑮᓇᐅᔭᖃᖅᑎᑕᐅᓂᐊᖅᑐᑦ ᑲᓇᑕᐅᑉ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᐅᓚᔾᔭᐃᔾᔪᑏᑦ ᐸᕐᓇᐅᑎᖏᑦᑎᒍᑦ.  ᑲᓇᑕᐅᑉ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᐅᓚᔾᔭᐃᔾᔪᑏᑦ ᐸᕐᓇᐅᑎᖏᑦ ᐊᑐᐃᓐᓇᕈᐃᓯᒪᕙᒃᐳᑦ $1 ᐱᓕᐊᖏᓐᓃᑦᑐᓂᒃ ᑲᓇᑕᓕᒫᒧᑦ ᑐᕌᖓᔪᑦ ᑮᓇᐅᔭᓕᐅᕋᓱᐊᕈᑏᑦ ᒪᑭᒃᑲᓐᓂᕈᓐᓇᕐᓂᐊᕐᒪᑕ ᐃᖅᑲᓇᐃᔮᓂᒡᓗ ᓄᐃᑦᑎᓗᑎᒃ ᓄᓇᓖᑦ ᐊᒃᑐᖅᑕᐅᓗᐊᓐᖑᐊᖅᑐᕕᓃᑦ ᑮᓇᐅᔭᑦ ᑲᑕᐅᒥᓯᒪᓚᐅᖅᑎᓪᓗᒋᑦ.  ᐊᕗᖓᐅᔨᓯᒪᔪᑦ ᑮᓇᐅᔭᓕᐅᕋᓱᐊᕈᑏᑦ ᐊᒻᒪᓗ ᐊᕙᑎᒧᑦ ᐃᑲᔫᑏᑦ ᑮᓇᐅᔭᖃᖅᑎᑕᐅᔪᓐᓇᕐᒥᔪᑦ ᑕᒪᑐᒨᓇ.  ᑲᓇᑕᐅᑉ ᐅᑭᐅᖅᑕᖅᑐᖓᓄᑦ ᒐᕙᒪᖃᕐᕖᑦ ᐱᖓᓱᑦ ᑮᓇᐅᔭᓂᒃ ᐊᑐᐃᓐᓇᕈᐃᕕᐅᕗᑦ $32.8 ᒥᓕᐊᓐᖏᓐᓃᑦᑐᑦ 2011-ᖑᕋᓱᐊᕐᓂᖓᓄᑦ.

ᓄᓇᓕᖕᓂ ᐋᖅᑭᒋᐊᕆᓂᕐᒧᑦ ᑮᓇᐅᔭᑦ ᐃᓚᒋᔭᐅᖃᑕᐅᕗᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᓕᕆᐊᓐᖑᖅᑎᑕᐅᓯᒪᔪᓄᑦ, ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᑕ ᐱᔭᒃᓴᖅᑖᕆᓯᒪᓪᓗᓂᔾᔪᒃ.  ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖ ᑐᑭᒧᐊᒃᑎᑦᑎᔨᐅᓂᕐᒥᒃ ᐊᒻᒪᓗ ᓴᖅᑭᔮᖅᑎᑦᑎᓂᕐᒥᒃ ᑲᓇᑕᐅᑉ ᒐᕙᒪᒃᑯᖏᑦᑕ ᑮᓇᐅᔭᓕᐅᕋᓱᐊᕈᑎᓄᑦ ᐱᓕᕆᐊᖏᓐᓂᒃ ᐅᑭᐅᖅᑕᖅᑐᒥ ᒐᕙᒪᖃᕐᕕᖕᓂ, ᐊᒻᒪᓗ ᐊᑐᐊᒐᓕᕆᓂᕐᒥᒃ, ᖃᐅᔨᓴᐃᔨᐅᓂᕐᒥᒃ ᐊᒻᒪᓗ ᐊᔭᐅᖅᑐᐃᔨᐅᓂᕐᒥᒃ.  ᐅᑯᐊ ᓇᓗᓇᐃᖅᑕᐅᓂᖏᑦᑎᒍᑦ ᓴᓐᖏᒃᑎᑉᐹᓪᓕᐅᑕᐅᑐᐃᓐᓇᖅᐳᑦ ᑲᓇᑕᐅᑉ ᒐᕙᒪᒃᑯᖏᑦᑕ ᓯᕗᒧᐊᒃᑎᓐᓇᓱᒃᑕᖏᑦ ᐅᑭᐅᖅᑕᖅᑐᖅ ᑲᓇᑕᒥᐅᑕᐅᖃᑕᐅᓂᖓᓂᒃ,  ᓴᐳᒻᒥᐅᓯᖅᑕᐅᓯᒪᓪᓗᑎᒃ ᐅᑭᐅᖅᑕᖅᑐᒥ ᐊᕙᑎᑦᑎᓐᓂ ᐃᑦᑕᕐᓂᓴᑦ, ᒪᖅᑭᔮᖅᑎᑦᑎᒃᑲᓐᓂᕐᓂᖅ ᐃᓅᓯᕐᒧᑦ ᑮᓇᐅᔭᓕᐅᕋᓱᐊᕐᓂᕐᒧᓪᓗ ᐱᕚᓪᓕᐅᑏᑦ ᐊᒻᒪᓗ ᐱᕈᓐᓇᐃᓗᑎᒃ ᓴᓐᖏᓂᕐᓂᒡᓗ ᑐᓂᐅᖅᑲᐃᓗᑎᒃ ᐅᑭᐅᖅᑕᖅᑑᑉ ᐊᐅᓚᑕᐅᔾᔪᓯᖏᓐᓂᒃ.