ᔫᑳᓐ ᑮᓇᐅᔭᖅᑖᖅᑎᑕᐅᕗᖅ 7-ᓄᑦ ᐱᓐᖑᐊᕐᕕᖕᓄᑦ ᐱᖁᑎᕐᔪᐊᓕᕆᓂᕐᒧᓪᓗ ᐊᑐᖅᑐᒃᓴᓂᒃ

ᔫᑳᓐ ᑮᓇᐅᔭᖅᑖᖅᑎᑕᐅᕗᖅ 7-ᓄᑦ ᐱᓐᖑᐊᕐᕕᖕᓄᑦ ᐱᖁᑎᕐᔪᐊᓕᕆᓂᕐᒧᓪᓗ ᐊᑐᖅᑐᒃᓴᓂᒃ
7 ᓄᓇᓖᑦ ᔫᑳᓐᒦᑦᑐᑦ $1.2 ᒥᓕᐊᓐ ᐅᖓᑎᑦᑎᐊᕌᕐᔪᐊᓃᑦᑐᓂᒃ ᑮᓇᐅᔭᖅᑖᖅᑎᑕᐅᓂᐊᖅᑐᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ ᐊᑐᖅᑐᒃᓴᖁᑎᖏᓐᓂ ᐱᓐᖑᐊᕐᕕᖕᓄᑦ ᐱᖁᑎᕐᔪᐊᓕᕆᓂᕐᒧᓪᓗ ᑲᓇᑕᒥ, ᐃᖅᑭᓖᑦ, ᔫᑳᓐ ᒐᕙᒪᖏᑦ, ᐊᒻᒪᓗ ᔫᑳᓐ ᓄᓇᓕᖁᑎᖏᑦ ᓄᑖᓐᖑᕆᐊᖅᑎᑦᑎᔪᓐᓇᖅᓯᓂᐊᕐᒪᑕ ᓄᓇᓕᖕᒥᑕ ᐱᓐᖑᐊᕐᕕᖏᓐᓂᒃ.  ᑮᓇᐅᔭᑦ ᐱᕈᓐᓇᒃᓴᐅᑕᐅᓂᐊᖅᑐᑦ ᓂᕈᑦᑐᕆᐊᖅᑎᑦᑎᓗᑎᒡᓗ ᐱᓐᖑᐊᕐᕕᖕᓂᒃ ᑲᑎᕝᕕᐅᖃᑦᑕᖅᑐᓂᒃ ᐃᖃᐃᔭᕐᕕᐅᖃᑦᑕᖅᑐᓂᒡᓗ; ᓄᑖᓐᖑᕆᐊᖅᑎᑕᐅᓗᑎᒃ ᐳᐃᔾᔪᕌᕐᕖᑦ ᐊᒻᒪᓗ ᓯᐊᕐᕆᔮᕐᕖᑦ; ᐊᒻᒪᓗ ᓴᓇᔭᐅᒃᑲᓐᓂᕐᓗᑎᒃ ᐃᒡᓗᕐᔪᐊᑦ ᐃᓗᓕᖏᑦ ᓯᓚᑎᖏᓪᓗ.

1. ᑐᕈᓐᑕᒃ ᕼᐅᐃᑦᓯᓐ ᒐᕙᒪᖓᑦ - ᒪᒥᓴᐃᕝᕕᒃ
   ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $13,333
   ᔫᑳᓐ ᒐᕙᒪᒃᑯᖏᓐᓂᓐᖔᖅᑐᑦ: $13,333
   ᑐᕈᓐᑕᒃ ᕼᐅᐃᑦᓯᓐᑯᓐᓂᓐᖔᖅᑐᑦ: $13,333
   ᑖᓴᓐᒥ ᒪᒥᓴᐃᕝᕕᒃᑕᖃᓕᕇᖅᑐᖅ ᐊᑐᖅᑕᐅᖃᑦᑕᖅᑐᖅ ᐊᐅᔭᒃᑯᑦ ᐋᓐᓂᐊᖃᖅᑕᐃᓕᒪᓂᖅ ᐃᓅᖃᑎᒌᖕᓂᕐᒧᓪᓗ ᑐᕌᖓᔪᑦ ᐊᑐᖅᑕᐅᖃᑦᑕᖅᖢᑎᒃ.  ᑖᓐᓇ ᓄᑖᓐᖑᕆᐊᖅᑎᑕᐅᓂᐊᖅᑐᖅ ᐃᓕᓯᕕᐅᓗᓂ ᕿᔪᒃᑐᖅᑐᒥᒃ ᐃᒐᒥᒃ ᐊᒻᒪᓗ ᑐᖅᑯᐃᕕᖕᓂᒃ ᐃᖅᓯᕕᓕᐅᖅᑕᐅᓗᓂ ᓱᓇᒃᑯᑖᖃᕐᕕᐅᓂᐊᖅᑐᓂᒃ, ᓂᕈᑦᑐᕆᐊᕐᓂᐊᕐᒪᑦ ᐱᓐᖑᐊᕐᕕᐅᖃᑦᑕᕐᓂᖓ ᐅᑭᐊᒃᓵᒃᑯᑦ ᐅᑭᐅᒃᑯᓪᓗ, ᓲᕐᓗ ᒪᑯᓄᖓ ᓯᑮᕆᐊᖅᑐᓄᑦ ᐊᒻᒪᓗ ᐅᓇᓕᒃᓴᔭᕋᓛᑦ ᐊᐅᓪᓚᖅᓯᒪᑎᑕᐅᓂᖏᓐᓄᑦ.
   
   
2. ᑳᑯᕌᔅ - ᐃᒡᓗᕐᔪᐊᖓᑕ ᓄᑖᓐᖑᕆᐊᖅᑎᑕᐅᓂᖓ
   ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $20,000
   ᔫᑳᓐ ᒐᕙᒪᒃᑯᖏᓐᓂᓐᖔᖅᑐᑦ: $20,000
   ᑳᑯᕌᔅᒥ ᐳᐃᔾᔪᕌᕐᕕᒃ ᐃᕿᐊᓐᖑᐃᔭᐅᑎᒋᔭᐅᕙᒃᐳᖅ ᓄᓇᖅᑲᑎᒌᖕᓄᑦ ᐊᐅᔭᐅᑎᓪᓗᒍ, ᐊᒻᒪᓗ ᒫᓐᓇ ᓯᓂᒃᑕᕐᕕᒋᔭᐅᓪᓗᓂ ᐃᖅᑲᓇᐃᔭᖅᑎᒋᔭᐅᑲᐃᓐᓇᖃᑦᑕᖅᑐᓄᑦ.  ᓯᓂᒃᑕᕐᕕᖏᑦ ᑐᑦᑕᕐᕕᖓᑦᑕ ᑎᑎᕋᕐᕕᖓᑕ ᐃᓚᖓᓃᑦᑐᖅ ᐊᒻᒪᓗ ᐃᒻᒥᓂᕿᓐᓇᓐᖏᖢᓂ.  ᑕᒪᓐᓇ ᐱᓕᕆᐊᖑᔪᒪᔪᖅ ᐊᑐᖅᑕᐅᓗᓂ ᐃᓚᒋᐊᖅᑕᐅᒐᓛᖕᓂᐊᖅᑐᖅ ᐃᒡᓗᕐᔪᐊᖅ, ᒪᕐᕉᖕᓂᒃ ᓯᓂᒡᕖᖕᓂᒃ ᐃᒡᓗᕈᓯᓕᐅᖅᑕᐅᓗᓂ ᐊᒻᒪᓗ ᐊᓇᕐᕕᓕᖅᑕᐅᓗᓂ ᐃᖅᑲᓇᐃᔭᖅᑏᑦ ᐃᒻᒥᓂᕿᕝᕕᖃᕐᓂᐊᕐᒪᑕ.
   
   
3. ᕗᐊᑦᓴᓐ ᓖᒃ - ᐳᐃᔾᔪᕌᕐᕕᐅᑉ ᓴᓇᔭᐅᒃᑲᓐᓂᕐᓂᖓ
   ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $31,666
   ᔫᑳᓐ ᒐᕙᒪᒃᑯᖏᓐᓂᓐᖔᖅᑐᑦ: $31,667
   ᓄᓇᓕᖕᓂᓐᖔᖅᑐᑦ: $31,667
   ᑮᓇᐅᔭᑦ ᓴᓇᒃᑲᓐᓂᐅᑕᐅᓂᐊᖅᑐᑦ ᕿᑯᓕᖅᓯᒪᓂᖏᓐᓂᒃ ᐊᒻᒪᓗ ᐊᐅᔭᒃᑯᑦ ᐊᑐᖅᑕᐅᖃᑦᑕᖅᑑᑉ ᐳᐃᔾᔪᕌᕐᕕᐅᑉ ᐃᑭᐊᕐᒥᖓ ᐊᓯᔾᔨᖅᑕᐅᓗᓂ.  ᑕᒪᒃᑯᐊ ᓴᓇᔭᐅᒃᑲᓐᓂᖅᐸᑕ ᐳᐃᔾᔪᕌᕐᕕᒃ ᒪᑐᐃᖓᐃᑎᑕᐅᖏᓐᓇᕈᓐᓇᖅᓯᓂᐊᖅᑐᖅ ᐃᕿᐊᓐᖑᐃᔭᐃᕕᐅᓗᓂ ᐊᒻᒪᓗ ᐳᐃᔾᔪᕋᕆᐅᖅᓴᖅᑎᑕᐅᖃᑦᑕᕐᓗᑎᒃ ᕚᑦᓴᓐ ᓖᖕᒥᐅᑦ, ᐃᓚᐅᓗᑎᒃ ᒪᒃᑯᒃᑐᑦ, ᐃᓐᓇᑐᖃᐃᑦ ᐊᒻᒪᓗ ᐳᐃᔾᔪᕌᖅᑏᑦ ᑲᑐᔾᔨᖃᑎᒌᖏᑦ.
   
   
4. ᑳᒫᒃ - ᓴᓇᔭᐅᒃᑲᓐᓂᕐᓂᖓ ᐳᐃᔾᔪᕌᕐᕕᒃ ᐊᒻᒪᓗ ᓯᐊᕐᕆᔮᕐᕕᒃ
   ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $80,811
   ᔫᑳᓐ ᒐᕙᒪᒃᑯᖏᓐᓂᓐᖔᖅᑐᑦ: $80,811
   ᓄᓇᓕᖕᓂᓐᖔᖅᑐᑦ: $80,811
   ᑮᓇᐅᔭᑦ ᐊᑐᖅᑕᐅᓂᐊᖅᑐᑦ ᐊᓯᔾᔨᖅᑕᐅᓂᐊᖅᑎᓪᓗᒍ ᐳᐃᔾᔪᕌᕐᕕᐅᑉ ᐃᑭᐊᕐᒥᖓ ᐊᒻᒪᓗ ᐅᖅᑰᓴᐅᑎᓄᑦ ᐊᐅᓚᐅᑏᑦ ᐆᓇᖅᓯᑦᑎᕈᑕᐅᖃᑦᑕᖅᑐᑦ ᐳᐃᔾᔪᕌᕐᕕᖕᒥᒃ.  ᓯᐊᕐᕆᔮᕐᕕᒃ ᓴᓇᔭᐅᒃᑲᓐᓂᕆᐊᖃᕐᓂᐊᖅᑐᖅ ᕿᑯᒃᓯᒪᓂᖓ ᑐᓐᖓᕕᐊ ᐊᒻᒪᓗ ᐊᕙᓗᓕᖅᓯᒪᓂᖓ, ᓴᓇᖕᒥᓗᑎᒃ ᐱᓱᒡᕕᖕᒥᒃ ᖄᓕᖅᓯᒪᔪᒥᒃ ᐊᓐᓄᕌᖅᑐᕐᕕᖕᓄᑦ.
   
   
5. ᓗᐊᓐ ᒪᐅᓐᑕᓐ - ᐊᓯᔾᔨᖅᑕᐅᓂᖓ ᓄᓇᓕᖕᓂ ᓯᐊᕐᕆᔮᕐᕕᖕᒥ ᓴᓗᒻᒪᖅᓴᐅᒻᒧᑦ ᐃᒡᓗᕋᓛᖅ
   ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $124,000
   ᔫᑳᓐ ᒐᕙᒪᒃᑯᖏᓐᓂᓐᖔᖅᑐᑦ: $124,000
   ᑖᓐᓇ ᐱᓕᕆᐊᖑᑎᓪᓗᒍ ᐊᓯᔾᔨᖅᓯᓂᐊᖅᑐᑦ ᒫᓐᓇ ᐊᑐᖅᑕᐅᔪᓂᒃ ᓴᓇᕕᖕᓂᒃ ᓱᓇᒃᑯᑖᖃᕐᕕᐅᔪᓂᒃ ᓄᓇᓕᖕᓂ ᓯᓚᒥ ᓯᐊᕐᕆᔮᕐᕕᖕᒧᑦ ᐊᑐᖅᑕᐅᖃᑦᑕᖅᑐᓄᑦ, ᓯᑮᕐᕕᖕᓄᑦ ᐊᒻᒪᓗ ᒑᓪᕕᒃᕕᖕᒧᑦ.
   
   
6. ᐲᕗ ᑯᕇᒃ - ᓄᓇᓕᖕᓂ ᐱᓐᖑᐊᕐᕕᐅᑉ ᓄᑖᓐᖑᕆᐊᖅᑎᑕᐅᓂᖓ
   ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $125,000
   ᔫᑳᓐ ᒐᕙᒪᒃᑯᖏᓐᓂᓐᖔᖅᑐᑦ: $125,000
   ᓄᓇᓕᖕᓂ ᐱᓐᖑᐊᕐᕕᒃ ᐃᖃᐃᔭᕐᕕᐅᖃᑦᑕᖅᑐᖅ ᐊᒻᒪᓗ ᑰᓕᕝᕕᒃ, ᐊᑐᖅᑕᐅᖃᑦᑕᕆᓪᓗᓂ ᐃᓕᓐᓂᐊᕐᕕᖕᒧᑦ ᐊᒻᒪᓗ ᑕᖅᑲᒃᑯᓄᖓ ᐱᓐᖑᐊᕐᕕᐅᖃᑦᑕᖅᖢᓂ.  ᐱᓐᖑᐊᕐᕕᖕᓄᑦ ᐱᖁᑎᕐᔪᐊᓕᕆᓂᕐᒧᑦ ᑲᓇᑕᒥ ᑮᓇᐅᔭᖁᑎᖏᑦ ᐊᑐᖅᑕᐅᓂᐊᖅᑐᑦ ᓄᑖᓐᖑᕆᐊᖅᑎᑕᐅᓂᐊᕐᒪᑦ ᑖᓐᓇ ᐃᒡᓗᕐᔪᐊᖅ, ᐃᓚᒋᔭᐅᓪᓗᑎᒃ ᐅᐊᔭᖏᑦ, ᓂᕿᓕᐅᕐᕕᖓ, ᐃᒡᓘ ᖁᓛᖓ ᐃᓗᐊᓂ ᐊᒻᒪᓗ ᐅᖅᑰᓴᐅᑎᖃᕐᕕᖓ ᓴᓇᔭᐅᒃᑲᓐᓂᕐᓗᓂ.  ᓴᓇᔭᐅᒃᑲᓐᓂᖅᐸᑦ ᐅᖅᑰᓴᐅᑎᓄᑦ ᑮᓇᐅᔭᖅᑐᕈᑏᑦ ᒥᒃᖠᕚᓪᓕᕐᓂᐊᖅᑐᑦ ᐊᒻᒪᓗ ᐱᓐᖑᐊᕐᕕᐅᖃᑦᑕᕈᓐᓇᖅᓯᓗᓂ ᐊᕐᕌᒍᓕᒫᖅ.  ᐃᒡᓗᕐᔪᐊᖅ ᓄᑖᓐᖑᕆᐊᖅᑕᐅᒃᐸᑦ ᐃᓅᓯᖃᑦᑎᐊᕐᓂᖅᓴᒥᒃ ᐊᑐᕐᓂᖅᓴᐅᓕᕋᔭᖅᑐᑦ ᐃᖃᐃᔭᕐᓂᒃᑯᑦ ᐊᒻᒪᓗ ᐃᓅᖃᑎᒌᑦ ᑲᑎᑦᑕᕐᓂᖏᑦᑎᒍᑦ, ᑕᒪᒃᑰᖕᓄᑦ ᒪᒃᑯᒃᑐᓄᑦ ᐊᒻᒪᓗ ᓄᓇᖅᑲᑎᒌᓕᒫᓄᑦ.
   
   
7. ᕌᔅ ᕆᕙ - ᐱᓐᖑᐊᕐᕕᒃ/ᓯᐊᕐᕆᔮᕐᕕᐅᓪᓗ ᓄᑖᓐᖑᕆᐊᖅᑎᑕᐅᓂᖓ
   ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓂᓐᖔᖅᑐᑦ: $154,921
   ᔫᑳᓐ ᒐᕙᒪᒃᑯᖏᓐᓂᓐᖔᖅᑐᑦ: $154,922
   ᑖᓐᓇ ᐃᒡᓗᕐᔪᐊᖅ ᐱᓐᖑᐊᕐᕕᓕᕆᓂᕐᒧᑦ ᑐᕌᖓᔪᓂᒃ ᖃᓄᐃᓕᐅᕐᓂᐅᔪᓄᓪᓗ ᐊᑐᖅᑕᐅᖃᑦᑕᖅᑐᖅ ᓄᓇᖅᑲᑎᒌᓕᒫᓄᑦ ᐊᕐᕌᒍᓕᒫᖅ.  ᑖᓐᓇ ᐃᒡᓗᕐᔪᐊᖅ ᒪᑐᔭᐅᓚᐅᖅᓯᒪᔪᖅ ᔭᓄᐊᕆ 2009-ᒥ ᓄᑖᓐᖑᕆᐊᖅᑎᑕᐅᔭᕆᐊᖃᕐᓂᖓ ᐱᔾᔪᑕᐅᓪᓗᓂ.  ᐱᓐᖑᐊᕐᕕᖕᓄᑦ ᐱᖁᑎᕐᔪᐊᓕᕆᓂᕐᒧᑦ ᑲᓇᑕᒥ ᑮᓇᐅᔭᖁᑎᖏᑦ ᐊᑐᖅᑕᐅᓂᐊᖅᑐᑦ ᓴᓇᔭᐅᒃᑲᓐᓂᕈᓐᓇᕐᓂᐊᕐᒪᑦ ᐊᒻᒪᓗ ᐊᓯᔾᔨᖅᑕᐅᓗᑎᒃ ᓯᐊᕐᕆᔮᕐᕕᐅᑉ ᐊᕙᓗᖏᑦ ᓯᖁᑦᑎᖅᓯᒪᔪᑦ.

ᐱᓐᖑᐊᕐᕕᖕᓄᑦ ᐱᖁᑎᕐᔪᐊᓕᕆᓂᕐᒧᑦ ᑲᓇᑕᒥ

ᐱᓐᖑᐊᕐᕕᖕᓄᑦ ᐱᖁᑎᕐᔪᐊᓕᕆᓂᕐᒧᓪᓗ ᑲᓇᑕᒥ ᑮᓇᐅᔭᖁᑏᑦ  ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓄᑦ.
ᐱᓐᖑᐊᕐᕕᖕᓄᑦ ᐱᖁᑎᕐᔪᐊᓕᕆᓂᕐᒧᑦ ᑲᓇᑕᒥ ᑲᓇᑕᓕᒫᒧᑦ ᑐᕌᖓᕗᑦ, ᐊᑐᐃᓐᓇᕈᐃᔨᐅᓪᓗᑎᒃ ᑮᓇᐅᔭᖅᑐᕈᑎᓄᑦ ᐃᑲᔫᑎᒃᓴᓂᒃ ᓴᓇᒃᑲᓐᓂᐅᑎᒃᓴᓄᑦ, ᓄᑖᓐᖑᕆᐊᖅᑎᑕᐅᓂᖏᓐᓄᑦ ᐅᕝᕙᓘᓐᓃᑦ ᓂᕈᑦᑐᕆᐊᕈᑎᓄᑦ ᐱᓐᖑᐊᕐᕕᖕᓂᒃ ᒪᑭᒪᕙᒌᖅᑐᓂᒃ ᑲᓇᑕᐅᑉ ᓄᓇᓕᖁᑎᖏᓐᓂ.  ᐱᓐᐊᕐᕕᖕᓄᑦ ᐱᖁᑎᕐᔪᐊᓕᕆᓂᕐᒧᑦ ᑲᓇᑕᒥ ᑮᓇᐅᔭᖁᑏᑦ ᑮᓇᐅᔭᓕᐅᕋᓱᐊᕈᑎᓂᒃ $500 ᒥᓕᐊᓐᓂᒃ ᑲᓇᑕᓕᒫᒧᑦ ᐊᑐᐃᓐᓇᕈᐃᕗᑦ  ᒫᔾᔨ 31, 2011-ᒧᑦ ᑎᑭᓪᓗᒍ.  ᑮᓇᐅᔭᑦ $1.7 ᒥᓕᐊᓐ ᓴᓂᕐᕙᒃᑕᐅᓯᒪᕗᑦ ᐱᓐᖑᐊᕐᕕᖕᓄᑦ ᐱᕈᑎᕐᔪᐊᓕᕆᓂᕐᒧᓪᓗ ᑲᓇᑕᒥ ᐱᖓᓱᓄᑦ ᐅᑭᐅᖅᑕᖅᑐᒥ ᒐᕙᒪᖃᕐᕕᓕᖕᓄᑦ.

ᐱᓐᖑᐊᕐᕕᖕᓄᑦ ᐱᖁᑎᕐᔪᐊᓕᕆᓂᕐᒧᑦ ᑲᓇᑕᒥ ᑮᓇᐅᔭᖁᑏᑦ ᐊᐅᓚᑕᐅᕗᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᑎᒥᖁᑖᓄᑦ, ᓄᑖᑦ ᑎᒥᓐᖑᖅᑎᑕᐅᓵᓚᐅᖅᑐᓄᑦ ᐊᒻᒪ ᐱᔭᒃᓴᖅᑖᖅᑎᑕᐅᓯᒪᕗᑦ ᑐᑭᒧᐊᒃᑎᑦᑎᔨᐅᓂᐊᕐᓂᕐᒥᒃ ᓴᖅᑭᑎᑦᑎᔨᐅᓂᐊᕐᓂᕐᒥᒡᓗ ᑲᓇᑕᐅᑉ ᒐᕙᒪᒃᖏᑦᑕ ᐱᕙᓪᓕᐊᔪᓕᕆᓂᕐᒧᑦ ᑐᕌᖓᑎᑕᖏᓐᓂᒃ ᐅᑭᐅᖅᑕᖅᑐᒥ ᒐᕙᒪᖃᕐᕕᐅᔪᓂ, ᐊᒻᒪᓗ ᐊᑐᐊᒐᓕᕆᓂᕐᒥᒃ, ᖃᐅᔨᓴᐃᓂᕐᒥᒃ ᐊᒻᒪᓗ ᐊᔭᐅᖅᑐᐃᔨᐅᓂᕐᒥᒃ.  ᐅᑯᐊ ᓇᓗᓇᐃᖅᑕᐅᓂᖏᑦ ᓇᓗᓇᕈᓐᓃᒃᑲᓐᓂᐅᑕᐅᕗᑦ ᑲᓇᑕᐅᑉ ᒐᕙᒪᒃᑯᖏᑦ ᓯᕗᒧᐊᒃᑎᑦᑎᓇᓱᖕᓂᖏᓐᓂᒃ ᐅᑭᐅᖅᑕᖅᑐᒥ ᑐᑭᒧᐊᕈᑎᓂᒃ ᐊᒻᒪᓗ ᐊᑐᓯᒋᐊᕐᓂᖏᓐᓂᒃ ᑲᓇᑕᒥᐅᑕᐅᖃᑕᐅᓂᖓᓂᒃ ᐅᑭᐅᖅᑕᖅᑐᖅ, ᓴᐳᒻᒥᐅᓯᖅᓯᓯᒪᓂᖅ ᐅᑭᐅᑕᖅᑑᑉ ᐊᕙᑎᒥ ᐃᑦᑕᕐᓂᓴᖁᑎᖏᓐᓂᒃ, ᓴᖅᑭᔮᖅᑎᑦᑎᒃᑲᓐᓂᕐᓂᖅ ᐃᓅᓯᕐᒧᑦ ᑮᓇᐅᔭᓕᐅᕋᓱᐊᕐᓂᕐᒧᓪᓗ ᐱᕚᓪᓕᐅᑎᒃᓴᓂᒃ ᐊᒻᒪᓗ ᐱᕈᓐᓇᐃᓂᖅ ᐅᑭᐅᑕᖅᑑᓪᓗ ᐊᐅᓚᑕᐅᔾᔪᓯᖏᓐᓂᒃ ᑐᓐᓂᖅᑯᑎᖃᕐᓂᕐᒥᒃ.